Во атинското предградие Егзархија, околу полноќ избувнале судири меѓу полицијата и група непознати лица во близина на полициска станица, при што е причинета голема материјална штета, јавуваат грчките медиуми.
Судирите траеле околу еден час и започнале откако група непознати лица наводно ја нападнале полицијата со молотови коктели и камења, по што полицијата возвратила со шок бомби, пренесе ERT.
Според информациите, полицијата уапсила 72 лица. Грчките медиуми исто така јавуваат дека е повреден еден полицаец.
Противпожарните служби интервенирале откако избувнале пожари на автомобили и контејнери за отпад, пренесе Катимерини.
(Telegraf.rs / Tanjug)
