Во Хрватска се создадоа гужви на бензинските пумпи откако беа најавени нови, повисоки цени на горивата што стапуваат на сила од полноќ. Зголемувањето на цените доведе до зголемена побарувачка и проблеми со снабдувањето, особено во главниот град Загреб.
Според новите одлуки на владата, регулираните цени остануваат, но со повисоки максимални износи од досега. Тоа предизвика зголемени редици на бензинските станици во попладневните часови.
Нови цени на горивата
- Eurosuper: од 1.50 € → 1.62 € за литар
- Eуродизел: од 1.55 € → 1.73 € за литар
- Дизел: од 0.89 € → 1.19 € за литар
Се зголемуваат и цените на течниот нафтен гас и то а гас во резервоари: од 1.70 € → 1.99 € за килограм и гас во боци: од 2.40 € → 2.57 € за килограм
Гужви и недостиг
На повеќе бензински пумпи се создадоа големи гужви, а на некои локации се појави и недостиг од дизел, особено од таканаречениот „плав дизел“.
Во Загреб, на една бензинска пумпа бил истакнато известување дека нема Eurodizel, додека на друго место дизелот се точи по изменети услови.
Реакција од владата
Премиерот Андреј Пленковиќ изјави дека без државните мерки цените би биле уште повисоки. Според неговите проценки Еуродизел би чинел околу 1.86 €, Eurosuper околу 1.71 €, Дизел околу 1.23 €, гас во резервоари околу 2.07 € и гас во боци околу 2.77 €
Регулираните цени важат само на бензинските пумпи надвор од автопатите, додека на автопатите цените се слободни и се формираат според пазарот.
