Додека Македонија тагува по млади животи загубени во катастрофалниот пожар во дискотеката „Пулс“ во Кочани, група несовесни граѓани одлучиле да организираат дрифт-настан со над 300 возила на паркингот на Спортскиот центар „Борис Трајковски“.
— Минерв
На паркингот кај Борис Трајковски вечерва собир – дрифтање, лудеење и покажување моќ.
Ова лудило мора да се сопре!@mvr_javnost pic.twitter.com/DmHKdjETLE(@Miner_Vo) March 16, 2025
Настанот бил пријавен како снимање на музички спот, но на терен ситуацијата изгледала сосема поинаку. Според директорот на СЦ „Борис Трајковски“, настанот не бил ниту дозволен, ниту најавен, а за време на хаосот биле причинети десетици судири и материјални штети на паркингот.
По неговата реакција, полицијата од ПС Карпош интервенирала и го растерала собирот. Директорот упати апел до граѓаните да ги почитуваат деновите на жалост и да покажат сочувство кон семејствата на жртвите.
„Ова ниту сум го дозволил, ниту некогаш ќе го дозволам! Жртвите и нивните семејства заслужуваат спокој и почит,“ истакна тој.
