ХАЈ-ФАЈ е нова меѓународна филмска платформа направена од студенти за студенти. Платформата ќе служи како отскочна даска за промоција и за вмрежување со студентите на локално и меѓународно ниво. Овој прв отворен повик за кратки филмови објавен од страна на Академската сцена на ФДУ е фокусиран на студенти од филмски факултети и академии на Балканот.
ФДУ најавува дека од 31 мај до 2 јуни ќе се организира филмски викенд со проекции на кратките филмови од студентите кои ќе учествуваат во компетитивна програма. Во состав на програмата ќе се одржи и Networking работилница и музичка програма.
