Гвинет избегнува да носи облека со видливо брендирање затоа што не сака да биде „реклама што оди“. Во нејзината гардероба преовладуваат неутрални бои – беж, сива, бела и црна – и облици кои се едноставни, но совршено одбрани за да ја истакнат нејзината елеганција.
Нејзините аутфити обично вклучуваат широки панталони кои изгледаат опуштено, но софистицирано, како и класични кошули кои оставаат впечаток на леснотија и функционалност. На нозете речиси секогаш носи патики со што се постигнува комбинација на удобност и елегантна едноставност. Нејзиниот стил е далеку од екстравагантниот изглед кој често ги придружува холивудските ѕвезди.
Позната по својата витка фигура, Гвинет Палтроу не инсистира да се облекува за да ги нагласи облините или линиите на телото. За неа естетиката не е стриктно прикажување на физичкиот изглед, туку облека која ја одразува личноста и носи чувство на слобода. Таа е олицетворение на идејата дека жената може да изгледа софистицирано и модерно без да мора да ги следи краткорочните модни трендови и да биде роб на правилата за убавина.
Стајлингот на Гвинет Палтроу на оваа слика е всушност пандан на нејзиниот препознатлив минималистички стил, а исто така е идеален за есен. Нејзината комбинација од широки, кафеави панталони со кадифе и едноставна бела кошула без украси е совршен спој на елеганција и удобност за преодната сезона.
Кадифените панталони во земјен тон не само што се топли и удобни, туку и ги отсликуваат природните топли бои на есента, додека кројот дава допир на релаксација и лежерност. Белата кошула со класичен крој внесува свежина и го балансира целиот изглед, додека ракавите се ноншалантно засукани, што ја истакнува лежерноста на нејзиниот стил.
Гвинет избра едноставни, златни обетки кои додаваат суптилен допир на гламур без да ја нарушат едноставноста на ансамблот. Овој аутфит може да биде одличен избор за секојдневните прилики, но и за деловни состаноци, со додавање на блејзер или капут во неутрални тонови.
