Одлуката, усвоена вчера од Советот за мир и безбедност на АУ, се темели на ставот дека Унијата има „нулта толеранција кон неуставни промени на власта“.
Во резолуцијата се наведува дека Гвинеја-Бисао се суспендира од учество во работата на Унијата, нејзините органи и институции „сè додека не се воспостави уставниот поредок“.
Војската ја презеде власта во средата, на 26 ноември, по претседателските и парламентарните избори на кои победа прогласија актуелниот претседател Умаро Сисоко Ембало и опозицискиот кандидат Фернандо Дијас.
Гвинеја-Бисао е една од најсиромашните држави во светот и често се соочува со политички превирања од стекнувањето независност од Португалија пред повеќе од половина век. Земјата во изминатите години стана важна транзитна точка за трговија со дрога меѓу Латинска Америка и Европа, што аналитичарите го сметаат за еден од главните фактори за политичката нестабилност.
Покрај суспензијата од АУ, Гвинеја-Бисао вчера беше исклучена и од Западноафриканската економска заедница (ЕКОВАС).
По пучот, војската го инаугурираше поранешниот началник на генералштабот, генерал Хорту Инту, за шеф на воената влада која ќе го надгледува едногодишниот транзициски период, пренесе државната телевизија.
Извор: N1info.rs
