Според написот, Грок повеќепати погрешно го идентификувал 43-годишниот Ахмед ал Ахмед, човекот кој херојски разоружал еден од напаѓачите и тврдел дека автентичната видео-снимка од настанот прикажува сосема други ситуации. Меѓу неточните тврдења биле и дека станува збор за старо вирално видео од човек кој се качува на дрво, како и дека снимките се од друга плажа во Австралија за време на циклон.
По нападот, Ахмед ал Ахмед беше широко пофален за својата храброст, но дел од обидите за дискредитација вклучувале и појава на лажна, наводно новинарска веб-страница, најверојатно генерирана со вештачка интелигенција. Во неа, за херој бил прогласен измислен ИТ-експерт по име Едвард Кребтри. Оваа лажна информација потоа била преземена и повторувана од Грок на платформата X.
Дополнително, ботот сугерирал дека фотографиите од Ахмед прикажуваат израелски заложник на Хамас, како и дека видеото од местото на нападот е од плажата Курумбин за време на циклонот Алфред.
„Верџ“ наведува дека Грок во истиот период давал и целосно нерелевантни одговори на други прашања од финансиските проблеми на „Оракл“, па сè до анкети поврзани со американската политика што укажува на сериозни проблеми во разбирањето и обработката на прашањата.
Случајот, според авторот, е уште еден потсетник дека вештачката интелигенција сè уште не е доволно сигурна за да ѝ се довери проверка на факти, особено во чувствителни и трагични ситуации.
Извор: The Verge
