Засега нема извештаи за жртви.
Превентивни мерки и на соседните острови
Градоначалникот на Парос, Костас Бизас, изјави дека надојдените води го излеале коритото на реката во рибарското село Науса, при што биле поплавени продавници и домови, а околу 40 возила биле однесени од водата. Агенцијата за цивилна заштита предупреди дека жителите на Парос и Миконос треба да останат во своите домови.
Се очекува обилните врнежи да се преместат кон островите Хиос, Самос и Икарија. Според метеоролошката служба, дождот, придружен со ветрови од 74 км/ч, претставува сериозна опасност и се предвидува да продолжи во текот на денот.
Како мерка на претпазливост, училиштата на островите Парос, Миконос, Родос, Кос, Калимнос, Сими и Тилос остануваат затворени.
