Од теренот се известува дека се пронајдени запалени автомобилски гуми, што отвора сомнеж за можно намерно подметнување на пожарот. Институциите веќе работат со обвинителството и полицијата на расветлување на случајот.
Иако населените места не се загрозени, пожарот се шири кон правецот на Еребино, каде се преземени мерки за заштита на касарната и околината. На терен се распоредени војници и пожарникари за спречување на натамошно ширење на огнот.
Поради пожарот, регионалниот пат Тетово–Скопје беше привремено блокиран, а гаснењето е отежнато поради непристапниот терен. Засега нема информации за човечки жртви или повредени.
