Во Тирана избувна пожар од големи и застрашувачки размери, јавува албанската телевизија Top Channel.
Според нивните информации, пожарот избувнал во населбата „5 Мај“, а поради сериозноста на ситуацијата, кон главниот град веднаш биле упатени пожарникарски екипи од Драч, додека дополнителна помош е побарана и од Елбасан и Вора. Во гаснењето на огнот е вклучена и албанската армија.
Новинарка на Top Channel известува дека пожарот тешко се става под контрола поради големата количина текстилни материјали, кои лесно се палат и придонесуваат за брзо ширење на огнот.
Во меѓувреме, на местото на настанот се ангажирани сите расположливи пожарникарски сили, вклучително и екипите кои претходно биле распоредени во Драч поради поплавите.
Засега нема информации за повредени лица.
