Како свои клучни достигнувања, од ХЕРА ги истакнуваат:
- Отворен првиот Центар за момчиња и мажи во државата – простор за психосоцијална поддршка и работа со момчиња и мажи во криза, кој доби национално внимание;
- Поддржани 245 Ромки на терен, од кои 25 се вработени преку активни мерки – резултат на интегриран пристап кон економско јакнење;
- Вкупно 5.263 граѓани ги користеле нашите социјалните и здравствените услуги
- Вкупно 145 наставници, лекари и други професионалци од социјалните служби обучени за нудење на услуги и едукации;
- 700 млади ги проследија форум театрите и танцовиот преформанс „Простор за разговор“ во 10 градови низ државата;
- 224 млади беа опфатени со едукации за сеопфатно сексуално образование
- Над 700.000 илјади лица опфатени преку кампањите на социјалните медиуми и традиционални медиуми (Кампања во ист ритам, Подкасти Тивка врева, Секси маало и Пинк Хроника и други кампањи);
- Промовирана страна за родители www.roditelska.mk
- Развиена и тестирана алатка РЕСИ за родова и социјална анализа на јавни политики – веќе пилотирана во здравство, образование и социјална заштита, со институционална поддршка.
Особено значајна одлука, велат од ХЕРА е воведувањето на Почесен одбор на ХЕРА – ново советодавно тело составено од истакнати поединци кои ќе придонесуваат со стратешка поддршка, јавна застапеност и афирмација на мисијата на ХЕРА.
