„Овие глечери повеќе не придонесуваат за рамнотежата на глобалната клима“, вели Андреа Секуро, истражувач од Универзитетот Ка’Фоскари во Венеција, според агенцијата Анса.
Според него, овие глечери повеќе не акумулираат маса освен во години кога снежните врнежи се особено обилни.
„Нема враќање назад, тие ќе исчезнат за неколку децении“, предупреди Секуро.
Истражувачите предупредуваат дека најголемиот италијански глечер Мармолада, познат и како Кралицата на Доломитите, може целосно да исчезне до 2040 година, наведувајќи го затоплувањето поради зголемената концентрација на јаглерод диоксид во атмосферата како главна причина.
Овој глечер изгубил повеќе од 80 отсто од својата површина од 1988 година, пишува Euronews.
Во последните пет години глечерот изгуби 70 хектари, што е еднакво на површината од 98 фудбалски игралишта.
Научниците предупредуваат дека климатските промени предизвикуваат топење на глечерите ширум светот, што доведува до зголемување на нивото на морето и поплави.
