Германската Commerzbank најави дека кон крајот на оваа недела дека ќе укине 3,9 илјади работни места, со амбициозни финансиски цели како дел од ажурираната стратегија која треба да ја зајакне нејзината позиција.
Поголемиот дел од работните места ќе бидат укинати во Германија. Commerzbank истовремено ќе вработува во странство, што значи дека бројот на вработени со полно работно време ќе остане непроменет, пренесува Biznis.ba.
Управата под водство на извршната директорка Бетина Орлоп месеци наназад ја прилагодуваше стратегијата која според неа ќе открие „значителен потенцијал за вредност” на Commerzbank.
Веќе беа најавени трошоци од 700 милиони евра во текот на оваа година како резултат на реструктуирањето.
Управата исто така го подигна целниот ниво на чистиот профит за 2027 година од 3,6 милијарди на 3,7 милијарди евра. Според најновите проценки, односот помеѓу трошоци и приходи треба да изнесува 53 проценти во 2027 година, што е понизок за еден процентен поен од претходните планови. Минатата година приходот на германскиот заемодавач пораснал за шест проценти, на 11,1 милијарди евра, следејќи го речиси во целост зголемувањето на накнади и провизии. Приходот од камати останал на нивото од 2023 година.
Италијанската банка UniCredit го зголеми на крајот на минатата година уделот во Commerzbank на околу 28 проценти, со повторено напомена дека овој потег треба да се толкува само како инвестиција. Тие исто така побарале од регулаторите, Европската централна банка (ЕЦБ), дозвола за зголемување на уделот до 29,9 проценти. Ако достигне 30 проценти, UniCredit ќе мора да поднесе јавна понуда за преземање.
