Германија влегува во 2026 година со низа законски и финансиски промени кои ќе влијаат директно на приходите, трошоците и секојдневниот живот на голем број граѓани, вклучувајќи вработени, пензионери, семејства со деца и корисници на социјални надоместоци.
Од 1 јануари минималната плата се зголемува на 13,90 евра по час, а раст има и кај минималниот надоместок за учениците во дуално образование, со зголемување на месечните износи во сите години од школувањето.
Паралелно со тоа, се подигнува и границата за т.н. мини-работи, па максималната месечна заработка без полни придонеси во оваа категорија ќе изнесува 603 евра, наспроти претходните 556 евра.
