Според истражувањето на д-р. Акира Такахаши од болницата за неврохирургија Тесеикаи во Јапонија, може да имате мали, но значајни метаболички придобивки ако наместо обична, почнете да пиете газирана вода. Неговата студија ги истражува тврдењата дека газираните пијалоци можат да помогнат при губење на тежината, иако овие ефекти се чини дека се минимални.
Влијанието на CO2 во газирана вода не е независно решение за слабеење. Урамнотежената исхрана и редовната физичка активност остануваат клучни компоненти за одржливо управување со тежината, нагласува Такахаши, чие истражување е објавено во списанието BMJ Nutrition, Prevention & Health.
Кога се консумира, јаглерод диоксидот (CO2) во газирана вода влегува во крвотокот и се претвора во бикарбонат во црвените крвни зрнца. Ова ја намалува киселоста на клетките, го забрзува метаболизмот на гликозата и ја намалува акумулацијата на маснотии. Сепак, вкупниот ефект е мал.
За да го оцени овој процес, Такахаши ги анализирал податоците од хемодијализата, третман за бубрежна болест што внесува CO2 во крвотокот додека го филтрира отпадот. За време на типична четиричасовна сесија, се обработуваат 48.000 милилитри крв, што резултира со намалување на гликозата за 9,5 грама. За споредба, ефектот од пиење газирана вода е далеку помал. СО2 во газирана вода може да промовира губење на тежината со зголемување на навлегувањето на гликоза и зголемување на метаболизмот на црвените крвни зрнца. Сепак, количината е толку мала што е тешко да се очекуваат ефекти за губење на тежината од CO2 само во газирана вода, забележува Такахаши.
Претходните студии се во согласност со резултатите од неговото истражување и сугерираат дека газираната вода не влијае значително на апетитот. Сепак, таа останува поздрава алтернатива на газираните сокови преполни со шеќери.
Такахаши, исто така, ги истакнува потенцијалните ризици, особено за лицата со гастроинтестинални проблеми како што се синдром на нервозно дебело црево. Пиењето газирана вода може да има одредени ефекти врз дигестивниот систем, особено за луѓето со чувствителен стомак или веќе постоечки гастроинтестинални состојби. Умереноста е клучна за да се избегне непријатност додека сеуште уживате во потенцијалните метаболички придобивки од газирана вода, советува тој.
