Македонскиот електронски диџеј и продуцент Galoski по покана од холандскиот светски познат диџеј и продуцент Tiësto сними ексклузивен сет за неговата издавачка куќа Musical Freedom.
Во официјалната објава на Galoski на социјалните мрежи, тој ги сподели информациите дека сетот веќе беше емитуван во Америка и дека се работи за важен чекор во неговата кариера.
Оваа соработка ја потврдува позицијата на Galoski меѓу меѓународно признатите продуценти и дополнително ја отвора патеката за негово проширување кон глобалната електронска сцена.
