Улиците на Скопје се исполнети со енергија, боите на стартните броеви и аплаузите на гледачите создадоа вистинска празнична атмосфера.
Трките започнаа пред Собранието, а целта за сите категории е поставена на Плоштад Македонија. На манифестацијата учествуваат маратонци, полумаратонци, штафетни тимови и рекреативци во популарната „Комерцијална банка 5K“ трка.
Временските услови се идеални за трчање – сончево и стабилно време, што дополнително придонесува за одлична атмосфера на најголемиот спортски настан во земјата. Организаторите апелираа до граѓаните на трпение поради привремениот сообраќаен режим, кој ќе трае до 14 часот.
Скопје денес трча со срце – за спорт, енергија и заедништво.
