До 20-ти јануари, Лијанг Венфенг, основач на хеџ фонд и АИ претприемач, беше речиси непознат надвор од земјата. Тој ден неговата компанија DeepSeek ја лансираше својата најнова верзија, R1. Во рок од една недела, DeepSeek апликацијата се искачи на врвот на продавниците за апликации во САД. Го свргна конкуренцијата како што се ChatGPT (OpenAI) и Claude (Anthropic). Со тоа, Лијанг и неговата АИ компанија станаа познати имиња.
Најпознатите АИ стартап компании во САД вредат десетини милијарди долари. Од 50 милијарди за xAI на Илон Маск до 157 милијарди за OpenAI. И тие собраа огромни средства од најпознатите светски инвеститори, вклучувајќи Мајкрософт, Амазон и водечките инвестициони компании од Силиконската долина. За разлика од нивните американски конкуренти, DeepSeek се чини дека нема надворешни инвеститори, освен Лијанг и неговите три соосновачи. Според кинеските корпоративни податоци, Лијанг поседува околу 84% од компанијата која има седиште во Хангџоу. Ја основал во 2023 година. А ја финансирал со средства од компанијата High-Flyer Capital Management, квантитативен хеџ фонд кој го суосновал во 2015.
Множење на трошоците
Колку вреди Лијановиот open-source АИ модел? Форбс разговарал со пет аналитичари и инвеститори кои понудиле различни проценки. Но, тројцата кои дале конкретни бројки се согласиле дека DeepSeek вреди најмалку милијарда долари. И потенцијално значително повеќе, и покрај тоа што сè уште не остварува значителен приход. Во моментов, DeepSeek има еден платен производ: пристап до својот модел за девелопери. Цената на неговиот модел изнесува 2,19 долари по милион излезни токени (во просек 750.000 зборови), што е значително помалку од 60 долари кај OpenAI. Таа ниска цена може да биде тактика за поткопување на поголемите конкуренти како OpenAI и Anthropic и освојување пазарно учество. Но, Форбс проценува дека DeepSeek генерира околу шест милиони долари годишен приход по милион платени корисници.
Според податоци од компанијата Appfigures, повеќе од 3,6 милиони луѓе ја преземале DeepSeek апликацијата во првите две недели. Партнерот на компанијата William Blair и софтверски аналитичар Арџун Батја смета дека помалку од 10% од тој број се платени корисници. Но, исто така напоменува дека треба да се примени мултипликаторот на бројот на корисниците на DeepSeek во следните една или две години.
Без разлика на точниот приход на DeepSeek, Форбс проценува дека вреди најмалку милијарда долари.
