Американскиот милијардер Илон Маск повторно испиша историја, а неговото вкупно богатство во моментов изнесува 749 милијарди долари, објави магазинот Forbes.
Маск на 19 декември стана првата личност во историјата што достигнала богатство од 700 милијарди долари, а само четири дена претходно го надмина и тогашниот рекорд со вкупна вредност од 600 милијарди долари.
До овој драматичен раст дошло откако Врховниот суд на сојузната држава Делавер ја поништи пресудата на понискиот суд, со која претходно беше укината доделата на опции за акции на Tesla на Маск.
Вредноста на тие акции сега се проценува на околу 139 милијарди долари, што значително придонесе за зголемувањето на неговото вкупно богатство.
