Светската трговија се врти кон Европа затоа што другите држави сакаат договори со ЕУ, изјави претседателката на Европската комисија Урсула фон дер Лајен во вторникот.
Претседателката на ЕК на собирот на Европската народна партија во Валенсија истакна дека Европската унија „веќе има најголема мрежа на договори за слободна трговија – вкупно 76“ со држави од целиот свет.
„Сега светската трговија се врти кон нас“, оцени фон дер Лајен во време кога на светската сцена се закануваат нови американски царини, кои американскиот претседател Доналд Трамп ги најави на почетокот на април.
