Враќањето кон руските фосилни горива по војната со Иран би било „стратешка грешка“, изјави Урсула фон дер Лајен пред Европскиот парламент на дебата во Стразбур.
Цените на бензинот се зголемија за 50 проценти, а цените на нафтата за 27 проценти за нешто помалку од 12 дена.
Израелско-американската војна на Блискиот Исток веќе ги чинеше европските потрошувачи околу три милијарди долари дополнителни трошоци за гориво, пишува Ал Џазеира.
Сепак, според анализата на Ал Џазеира, вечниот предизвик за ЕУ е да зборува со заеднички глас.
Унгарскиот премиер Орбон ја повика ЕУ да ги суспендира санкциите врз увозот на руски енергенси.
Во меѓувреме, шпанскиот премиер Санчез изјави дека европските земји треба да ги искористат своите нафтени резерви, додека италијанскиот премиер Мелони им рече на членовите на парламентот во Рим дека владата би можела да размисли за намалување на даноците на горивото.
