Претседателката на Европската комисија Урсула фон дер Лајен истакна: „Отпорноста и безбедноста на нашата инфраструктура се врвен приоритет“.
Шведскиот премиер Улф Кристерсон објави дека е оштетен најмалку еден подморски кабел што ги поврзува Шведска и Латвија. Овој инцидент следи по слични случаи пријавени во изминатите два месеци меѓу Литванија и Шведска, Германија и Финска и Естонија и Финска.
„Постојат информации дека најмалку еден кабел меѓу Шведска и Летонија е оштетен во Балтичкото Море”, напиша премиерот на мрежата X.
На 14 јануари, од Хелсинки, генералниот секретар на НАТО Марк Руте објави дека Алијансата ќе започне нова мисија на Балтикот со нови бродови и посветена авијација и нова технологија за поддршка, вклучително и „мала флота од подморски дронови“, за заштита на критичната инфраструктура од саботажа.
Претседателката на Европската комисија, Урсула фон дер Лајен, изрази силна солидарност со земјите на ЕУ кои граничат со Балтичкото Море по оштетувањето на подморскиот кабел за податоци меѓу Шведска и Летонија. Фон дер Лајен ја истакна важноста од обезбедувањето на критичната инфраструктура, наведувајќи: „Отпорноста и безбедноста на нашата критична инфраструктура се врвен приоритет“. Таа дополнително ја потврди посветеноста на Комисијата на ЕУ за подобрување на напорите за откривање, превенција и поправка во соработка со глобалните партнери.
