Без разлика дали вашата цел е да изгубите тежина или едноставно да бидете здрави, разбирањето кои вежби согоруваат најмногу калории може да ви помогне да планирате поефективен план за тренинг.
Личниот тренер Рејчел Мекферсон за Eat This, Not That откри дека постои една физичка активност која согорува најмногу калории, а тоа е трчањето.
Како што објаснува, „трчањето со брзина од 16 километри на час за 30 минути согорува приближно 594 калории за човек од 70 килограми. Сепак, ова е многу предизвикувачко темпо и ретко кој може да одржи таква брзина 30 минути. За рекреативците, типичната брзина е од осум до 9,5 километри на час, што согорува приближно 288 до 350 калории за 30 минути за човек од 70 килограми.“
Искусните тркачи обично можат да постигнат брзина од 9,5 до 12 километри на час, што согорува околу 450 калории за 30 минути за човек од 70 килограми.
Сепак, тренерот нагласува дека кардио вежбите сами по себе не се најефективниот начин за согорување на калории бидејќи напорот лесно може да се „поништи“ со консумирање мала количина на висококалорична храна.
Наместо тоа, таа предлага создавање здрав калориски дефицит преку исхрана, да се биде активен во текот на денот и да се вградат вежби за сила за најдобри резултати за слабеење.
Како дополнителни начини за согорување на калории, Мекферсон препорачува пешачење, тренинзи за сила и рекреативни спортови неколку пати неделно.
Извор: Индекс.хр
