„Планината не оди никаде“ во режија на Петра Селишкар ја освои награда за најдобар социо-еколошки филм на престижниот FICG – Интернационален фестивал на филм во Гвадалахара, Мексико.
„FICG е еден од најзначајните филмски фестивали во Латинска Америка, кој слави силни гласови и инспиративни приказни од целиот свет – и ни претставува голема чест што сме дел од тоа друштво“ велат од Агенцијата за филм
Филмот, кој е словенечко-француско-македонска копродукција, е за тројца браќа овчари во Македонија кои со стадото живеат по неколку месеци на планина на 2.400 метри надморска висина.
Ова е осми долгометражен документарец на Селишкар, која е основач и беше директорка на македонскиот фестивал на документарни филмови МакеДокс во Скопје.
Сценариото е на Селишкар и Танкред Ривиер, директор на фотографија е Бранд Ферро, монтажери се Лорелин Делом и Сашко Мицевски, а музиката е на Изток Корен.
