Акциониот трилер Heart of Stone моментално е хит кај гледачите на Нетфликс. Филмот беше објавен на 11 август на стриминг платформата, а Нетфликс објави дека досега има 33,1 милиони часови гледаност. Моментално е најгледаниот филм на Нетфликс.
Heart of Stone е помеѓу најгледаните филмови и во регионот. По него следуваат What Men Want, Hidden Strike, Poisoned: The Dirty Truth About Your Food and Paradise.
Филмот го режираше Том Харпер, кој работеше на серијата Peaky Blinders, додека сценариото го напишаа Грег Рука и Алисон Шредер. Во филмот, Гал Гадот ја играше Рејчел Стоун, хакерка која работи за Тајната разузнавачка служба (МИ6), а нејзиниот тим се состои од агентите Паркер (Џејми Дорнан), Јанг (Џинг Луси) и Бејли (Пол Реди). Но, МИ6 не знае дека Стоун е шпион кој работи за тајна организација наречена Повелба.
Тие се опишани во трејлерот како „највештите агенти – без политичка припадност, без националност – кои работат заедно за да го одржат мирот во турбулентен свет“. Со цел да ги постигнат своите возвишени цели, овие агенти се потпираат на алатката наречена Срце.
Срцето е најмоќната вештачка интелигенција на светот, способна да ја следи целата онлајн историја на една личност и потоа да ги користи тие податоци за да предвиди што би можеле да прават во иднина. Срцето може да советува за одговорите на потенцијалните глобални закани, па дури и да даде шанси за успех во нивното неутрализирање. Се разбира, Срцето може да се злоупотреби, како што се гледа во неколку сцени во филмот.
Иако трејлерот привлече големо внимание по објавувањето и филмот моментално е најгледан на Нетфликс, тој има оцена 5,7 на IMDb. На порталот Rotten Tomatoes, критичарите на филмот му дадоа оценка од 32%, додека публиката 61%.
Извор: Index.hr
