Во Битола од 19 до 26 јули се одржува четвртото издание на интернационалниот етнографски филмски фестивал како предвесник на 55-тото издание на републичкиот фестивал ,,Илинденски денови”.
ИЕФФ – „Илинденски денови“ е културeн настан посветен на прикажување филмови што ги истражуваат културите, општествата и начинот на живот на луѓето ширум светот. Овие филмови, честопати режирани од антрополози или специјализирани филмски работници, имаат за цел да ги документираат и подобро да ги разберат практиките , традициите, верувањата и средините на проучуваните заедници. Фестивалот на тој начин обезбедува платформа за споделување на овие визуелни наративи, поттикнување на меѓукултурниот дијалог и подигање на јавната свест за човековата различност.
Од речиси 2000 пристигнати филмови од сите континенти за овој филмски фестивал, селекцијата нуди авторски дела што отвораат прашања, предизвикуваат емоции и ги носат гледачите во срцето на различни заедници. Селектор на ИЕФФ „Илинденски денови“ е Тони Гламчевски.
Oваа година програмата на ,,Илинденски денови” вклучува бројни ансамбли од седум држави, промоции и нови правци и трендови со цел компарација на нашата народна култура со другите култури низ светот. Таа ќе биде претставена и во Демир Хисар, Новаци и Трпејца. Новина на фестивалот
Повеќе за програмата на https://www.facebook.com/ilindenskidenovi.
