Судијката Хана Дуган од Висконсин е уапсена од ФБИ под обвинение дека му помогнала на недокументиран имигрант да „избегне апсење“. Судењето доби јавна димензија откако Џеница Волски од Ваватоса, Висконсин, протестираше пред судската зграда во округот Милвоки, каде американските власти ја уапсија окружната судијка Хана Дуган. Таа е обвинета за помагање на маж да ги избегне имиграциските власти за време на рочиште во нејзиниот суд.
Според објава на социјалната мрежа X, која подоцна беше избришана, директорот на ФБИ Каш Пател изјави дека постојат докази оти Дуган „минатата недела ја опструирала акцијата за апсење поврзана со имиграција“.
Федералните агенти ја уапсија Дуган под обвинение за „ометaње на правдата“. Иако портпаролите на ФБИ и на Marshals Service не дадоа веднаш изјава, случајот го следи повикот од јануари од Емил Бове, вршител на должност заменик државен обвинител, за покренување на кривични постапки против локални функционери кои ги опструирале напорите на федералните власти во контролата на имиграцијата.
Судијката се појави пред судот во петок и беше пуштена од притвор. Следното рочиште е закажано за 15 мај.
„Судијката Дуган длабоко жали и протестира поради нејзиното апсење. Ова апсење не е во интерес на јавната безбедност,“ изјави нејзиниот адвокат Крег Мастантуоно.
Министерството за правда соопшти дека Дуган станала „видливо лута“ кога имиграциските службеници дошле во нејзиниот суд да го апсат Едуардо Флорес-Руиз, нарекувајќи го тоа „апсурден“ потег.
Во приговорот се наведува дека таа прашала дали службениците имаат судски налог, а кога ѝ било кажано дека се работи за административен налог (кој нема овластување за влез во приватни простории), таа го однела Флорес-Руиз со неговиот адвокат низ приватен ходник, а потоа во јавен простор.
Застапниците за имигрантски права предупредуваат дека користењето на судовите како места за апсење може да ги обесхрабри недокументираните лица да соработуваат со правосудниот систем, дури и кога се сведоци на злосторства.
