Луѓето се менуваат со годините, а со нив и односите што владеат меѓу нив. Истото важи и за сексуалниот живот кој поминува низ неколку фази во бракот или долготрајната врска.
Повеќето парови порано или подоцна се соочуваат со рутина, како во врската или бракот, така и во кревет. Почетниот ентузијазам и страста тешко се одржуваат, но не е невозможно, истакнува британската експертка за врски Трејси Кокс.
Фаза 1: Опсесија и страст
Првата фаза е проследена со еуфорија и голема страст на партнерите еден кон друг. Мозокот во тоа време, занесен од љубовта, ослободува високо ниво на хормони на среќа, серотонин и допамин, што му дава на телото експлозија на енергија. Оваа енергија паровите најчесто ја користат за да ги „згужваат чаршавите“. Сексот тогаш е вообичаен, а партнерите се ненаситни, па поминуваат што повеќе време во кревет.
Фаза 2: Галење
По почетната фаза на постојан секс, страста полека се намалува и започнува фазата на гушкање. Тогаш чувството на сигурност е поважно од брзиот секс на задното седиште во автомобилот. Во тоа време, кога ќе исчезне екстазата, можете да видите каков сексуален живот ќе има парот.
Фаза 3: Игри на моќ
Во оваа фаза се водат борби за моќ, односно се одлучува кој е шеф во врската. Кавгите можат да бидат интензивни и остри, а сексот се користи како оружје. Партнерите го користат сексот за да постигнат нешто или дури и го ускратуваат во желбата да ги постигнат своите цели.
Фаза 4: „Флертување“ со други
Партнерите полека сфаќаат дека не е возможно да си бидат сѐ еден на друг. Потоа почнуваат да ги бараат своите потреби кои партнерот не може да ги задоволи надвор од домот. Тоа може да бидат хоби, различни активности… Ретко кога партнерите го сакаат тоа во исто време, па секогаш има некој повреден. Ваквото однесување се рефлектира и во сексуалниот живот, па паровите се повеќе ги забележуваат разликите меѓу себе. Тоа е и можност да пробате нови работи, а малку љубомора може да ги зачини жешките игри.
Фаза 5: Хаос поради децата
Во оваа фаза, партнерите се обидуваат да се навикнат на новите улоги на мама и тато, а во креветот владее суша. Несоницата зема данок што многу влијае на вашиот сексуален живот. Паровите кои ги намалуваат своите очекувања во првите две години од животот на детето, најдобро преживуваат, потврдија студиите. И сето тоа благодарение на тоа што знаат дека ова е само привремена фаза.
Фаза 6: Сексот стана рутина
Врската или бракот без разлика дали имате или немате деца преминува од „забавна“ во „функционална“. Заедно изградивте тим кој функционира одлично, но вашиот партнер е повеќе го поврзувате со безбедност отколку со страст. Сексот е рутина, а страста и креативноста речиси исчезнаа. Оваа фаза е најтешка за преживување, а се појавува некаде во 11-тата година од врската или бракот. Толку во просек трае бракот во западниот свет пред да се распадне.
Фаза 7: Стареете заедно
Во оваа фаза, паровите обично се соочуваат со заминување на децата од домот на нивните родители, но тоа е и можност да се посветат еден на друг. Немаат секс толку често како порано, но квалитетот е подобар. Во тоа време, паровите повторно можат да се фокусираат само на себе и на своето задоволство.
Фаза 8: Повторно заљубени
Паровите кои успеале да ги преживеат сите фази често повторно ги откриваат сите емоции што ги чувствувале на почетокот на врската. Голем број 70-годишници признаваат дека се презадоволни од својот сексуален живот кој се карактеризира со уживање, поврзаност и нежност во оваа фаза.
Извор: yumama.mondo.rs
