Настапот на Hurts започна со „Silver Lining“, отворајќи музичко патување низ хитовите што обележаа цела една генерација: „Some Kind of Heaven“, „Ready to Go“, „Illuminated“, „Stay“ и „Wonderful Life“, кој го посветија на нивната пријателка и соработничка, Иванa Ковачевиќ. „Прекрасно е што сме повторно тука по 11 години. EXIT, ви благодариме!“, изјави фронтменот Тео Хачкрафт.
Следеше експлозивниот настап на Burak Yeter, кој повторно ја освои публиката со својата енергија, DJ сет и соло на електрична гитара во препознатлив вселенски костим. На главната бина настапи и Mystic Marley – внука на легендарниот Боб Марли, која ја донесе уникатната комбинација на културно наследство и современ звук. Публиката ја освои и Марко Луис, кој пееше заедно со фановите и дури им се придружи меѓу редовите.
Dance Arena блесна во полн сјај под палката на Solomun, еден од највлијателните DJ-и на денешницата, а Diynamic програмата ја засилија Mau P, DJ Gigola и Tijana T во б2б сет, Ogazón, Lanna и Hobin Rude.
На Fusion бината настапи Coby, придружен од VIP, Rouzi и Brass бенд, а рок ветераните Partibrejkers и Pekinška Patka уште еднаш потврдија зошто се симболи на ангажирана музика повеќе од 40 години.
Четвртиот ден донесе уште поголеми имиња:
Вчера вечер на „Tesla Universe“ сцената настапија легендарните Sex Pistols со Френк Картер, DJ Snake, FISH56OCTAGON, Goblini и Gloryhammer.
На Dance Arena дојдоа техно ѕвездите Boris Brejcha, Sara Landry и Indira Paganotto, кои вечерта ја заокружија со ексклузивен заеднички b2b сет на изгрејсонце. Програмата ќе ја надополнат и Inner Sense, Coeus и Free Students Now by Zippy.
На NSNS Stage Refreshed by Heineken настапија Cole Knight, Honey Luv, Dejan Milićević и Stormmm, додека No Sleep Last Dance ја затвори оваа култна бина.
На Visa Fusion бината вчера вечер беа: Бојана Вунтуришевиќ, Џони Миднајт Трио, Hiljson Mandela, Z++, Jack Black Diamonds и Gospođo, bate!.
