На валутните пазари вредноста на доларот падна и оваа недела, втора по ред, при што курсот на еврото скокна повеќе од 1,5 отсто бидејќи се очекува наскоро да заврши војната помеѓу Русија и Украина.
Доларскиот индекс, кој ја покажува вредноста на американската валута према шестте најважни светски валути, падна за 1,2 отсто на 106,80 поени, пренесува Хрпортфолио. Курсот на еврото према доларот скокна за 1,6 отсто, на 1,0490 USD.
Американската валута се зајакна према јапонскиот јен за 0,6 отсто, па курсот достигна 152,30 JPY.
Силниот пораст на еврото према доларот најмногу се должи на надежта на инвеститорите дека наскоро ќе заврши војната помеѓу Русија и Украина, откако претседателот на САД, Доналд Трамп, разговараше со претседателите на двете земји и најави мировни преговори.
За смирување на пазарите придонесе и одложувањето на воведувањето царини.
Имено, неодамна Трамп најави воведување царини на увоз од сите земји кои наплаќаат царини на увоз на американски производи. Се очекуваше дека ќе ги воведе овие царини оваа недела, но Белата куќа соопшти дека сè уште се анализира на кои земји ќе се воведат или зголемат царините и дека заклучоците ќе бидат познати наскоро.
Se
