Медитеранот отсекогаш привлекувал туристи со своите прекрасни плажи и топли води. Но, зад пријатните летни бранови се крие алармантен тренд: температурите на морските површини во Европа брзо растат, поставувајќи нови рекорди и зголемувајќи ризикот од екстремни временски услови.
Рекордни температури од 1979 година наваму
Според Copernicus Climate Change Service, 2024 година ја бележи најтоплата просечна температура на морската површина во Европа досега — 13,73°C, што е 0,7°C над просекот и 0,06°C повисока од претходниот рекорд од 2023.
Некои од најтешко погодените води се: Централниот дел од северниот Атлантик, Медитеранот, Црното Море и Норвешкото и Баренцовото Море
Медитеранот достигна 28,7°C
На 13 август 2024, просечната температура на Медитеранот достигна 28,7°C – нов апсолутен рекорд, кој го надмина претходниот од јули 2023 (28,3°C).
Овие температури предизвикуваат морски топлотни бранови – периоди на невообичаено топли морски води што може да траат со месеци. Последиците вклучуваат: Избелување на коралите, масовно умирање на морски видови, нарушување на риболовот и аквакултурата и штетно влијание врз туризмот
Подводни пожари и екстремни временски услови
Овие „подводни пожари“, како што понекогаш се нарекуваат, имаат директна врска со поинтензивни бури и екстремни врнежи.
Според Медитеранскиот центар за еколошки студии, загреаните морски површини играат клучна улога во формирањето на локални временски феномени, како што се: Морски ветрови (лето) и силни поројни дождови (есен)
Штети од Бурата Борис
Топлата вода во Медитеранот и Црното Море во август 2024 довела до интензивна испарување, што според експертите ја влошило Бурата Борис, која во септември предизвика катастрофални поплави во Централна и Источна Европа, како и во Валенсија, Шпанија во октомври.
Што значи ова за иднината?
Овие температурни екстреми се сигнал за аларм – покачените температури на морињата не се само статистика, туку активен фактор во климатската криза. Освен што влијаат на екосистемите, тие го менуваат и начинот на кој функционира времето во Европа.
