Европските берзански индекси денес бележат умерен раст, додека цените на нафтата, златото и пченицата се намалуваат. Инвеститорите се насочени кон претстојните извештаи за економската активност во еврозоната, како и во Германија, Франција и Велика Британија, додека од другата страна на Атлантикот се очекуваат податоците за септемвриската инфлација во САД.
Пазарниот оптимизам се зголеми по најавата дека американскиот претседател Доналд Трамп и кинескиот лидер Си Џинпинг ќе се сретнат следната недела на самит во Јужна Кореја, пренесува CNBC.
Во утринската трговија, берзанските индекси се движеа на следните нивоа:
- DAX (Франкфурт) – пораст од 0,11% на 24.248,69 поени
- CAC 40 (Париз) – пораст од 0,17% на 8.239,73 поени
- FTSE 100 (Лондон) – пораст од 0,09% на 9.587,35 поени
- MOEX (Москва) – пораст од 0,21% на 2.576,08 поени
На американските пазари, пред денешното отворање, вредностите исто така растат:
- Dow Jones +0,31% (46.734,61 поен)
- S&P 500 +0,58% (6.738,44 поени)
- Nasdaq +0,89% (22.941,80 поени)
Фјучерсите на европскиот гас за ноември се тргуваа по цена од 32 евра за мегават-час, покажуваат податоците од берзата TTF.
Цените на суровините се во пад:
- Сурова нафта (WTI) – 61,43 долари по барел
- Brent нафта – 65,62 долари по барел
- Злато – 4.092,75 долари по унца
- Пченица – 5,12 долари по бушел (еден бушел = 27,216 кг)
На валутниот пазар (Forex), вредноста на еврото во однос на доларот изнесува 1,16110 $, што е намалување од 0,06% во однос на почетокот на трговијата.
