Европските берзански индекси денес се движат нерамномерно, цената на златото продолжува да расте и се приближува до рекордни вредности, додека инвеститорите ги анализираат податоците за фабричките нарачки во Германија и го очекуваат објавувањето на трговскиот биланс на САД, кое е најавено за 14:30 часот.
Според CNBC, веројатноста дека Федералните резерви на САД ќе ги намалат каматните стапки за 25 базични поени во октомври сега се проценува на дури 95%, додека шансите за дополнително намалување во декември изнесуваат 84%. Поради тоа, инвеститорите сè повеќе се насочуваат кон златото како посигурна и попрофитабилна инвестиција.
Индексот DAX на Франкфуртската берза денес во 10:00 часот опадна за 0,12% и изнесува 24.364,15 поени. Францускиот CAC 40 забележа пад од 0,42% на 7.938,24 поени, додека британскиот FTSE 100 порасна за 0,11% и достигна 9.489,30 поени. Индексот MOEX во Москва исто така порасна за 0,42% и сега изнесува 2.660,11 поени.
