Трошоците за живот во Европа значително се разликуваат од град до град. Во некои градови може да потрошите половина месечна плата за вечера, додека во други, шише пиво ќе ве чини помалку од едно евро.
Сепак, киријата обично е прилично добар показател колку е скап еден град, а нови истражувања откриваат кои дестинации во Европа имаат најголеми трошоци. Со тие параметри, Лондон беше прогласен за најскапо место за изнајмување станови во Европа.
Врз основа на податоците на Euronews и Rightmove, просечната кирија во Лондон пораснала на неверојатни 3.220 евра месечно – 2,5% повеќе отколку минатата година, пишува TimeOut.
На второ место е Амстердам, каде, според податоци на Statista, месечниот закуп на еднособен, меблиран стан чини 2.275 евра. Холандските градови се наоѓаат на висока позиција на оваа листа, со Ротердам, Хаг и Утрехт меѓу првите 10, пренесува N1 Загреб.
Ова се најскапите градови за изнајмување во Европа:
- Лондон: 3.220 евра
- Амстердам: 2.275 евра
- Рим: 2.000 евра
- Париз: 1.862 евра
- Ротердам: 1.795 евра
- Ден Хаг: 1.790 евра
- Минхен: 1.770 евра
- Утрехт: 1.746 евра
