Во август, САД додадоа 407 категории производи на оваа листа – од ветерни турбини, мобилни кранови и булдожери, до железнички вагони и мебел.
Европските бизнис-лидери и германскиот европратеник Бернд Ланге предупредуваат дека списокот би можел да расте без јасни правила, што создава дополнителна несигурност и трошоци за индустријата.
„Проблемот е што САД прават чудна интерпретација на договорите и постојано ја зголемуваат листата. Денес е мотор, утре може да биде маса со мал метален дел или рамка за прозорец,“ изјави Луиза Сантос, заменик-директор на BusinessEurope.
Закана за работни места
Британската влада побара објаснување од Вашингтон кои дополнителни производи ќе бидат опфатени. Во Велика Британија, синдикатите и British Steel повикаа на потпишување индустриски пакт за поддршка на домашното производство на челик, предупредувајќи на ризик од нови отпуштања.
Во ЕУ, здружението Eurofer побара „силни нови трговски мерки“ за да се заштити не само челичната индустрија, туку и целото европско производство и милионите работни места поврзани со него.
Царините – од 25% на 50%
Во јуни, Трамп ги зголеми царините на челик од 25% на 50%, во обид да ја заштити американската индустрија – не само од кинескиот увоз, туку и од производи што содржат челик, како мијалници, електрични бокали или кранови.
„Неможно е да им објасниш на работниците“
Германскиот европратеник Бернд Ланге, претседател на Комитетот за меѓународна трговија, истакна дека новиот режим „веќе сериозно им штети на бројни индустрии“, вклучувајќи ја и мотоциклистичката.
Тој опиша фабрика во Германија каде што производителите не можеле да дадат целосна документација за количината на челик и алуминиум во секој дел од возилото – дури и за завртките. Заради страв од казни, пријавувале највисоки проценти на содржина (до 50%), иако реалната бројка можеби била пониска.
„Тешко е да им објасниш на работниците дека договорот ЕУ–САД е добар, кога реално носи неизвесност и казни,“ рече Ланге.
Извор: The Guardian
