Францускиот сообраќаен закон дозволува казнување на оние кои користат уреди и инструменти кои произведуваат бучава што ја нарушува тишината на другите во просториите кои се користат за јавен превоз.
Пред неколку дена, светот беше потресен од веста дека еден маж во Франција бил казнет со 200 евра за зборување премногу гласно на мобилен телефон.
Мажот, познат само како Давид, разговарал со својата сестра на железничка станица во Нант, Франција, преку звучникот на мобилниот телефон, пред да биде сопрен од вработен во железничката компанија SNCF и замолен да ја намали бучавата.
Иако бил предупреден дека ќе добие казна од 150 евра, Давид мислел дека службеникот на SNCF се шегува. Казната одбил да ја плати на лице место, а таа била „зголемена“ на 200 евра. Ангажирал адвокати кои сега се обидуваат да го оспорат наплатувањето на казната, пишува Punkufer.
Во Франција не постои закон кој забранува разговори по мобилен телефон преку звучник на јавни места. Сепак, постојат многу јасни прописи за контрола на бучавата.
Францускиот сообраќаен закон дозволува казнување на оние кои користат уреди и инструменти за да прават бучава која го нарушува мирот на другите во просторите кои се користат за јавен превоз. На пример, можете да добиете казна од 60 евра на француските железници дури и ако гласно разговарате по мобилен телефон без употреба на звучник.
Гласното разговарање по телефон на јавни места или гледањето видеа на мобилен телефон без слушалки станува сè почеста навика во современиот свет.
