Кинеските и индиските туристи оваа година ќе ја надоместат евентуалната забавеност на растот на бројот на американски туристи во Европа, според истражување објавено од Европската комисија за туризам. Се очекува меѓународните доласци на континентот да пораснат за 6,2 проценти.
Ова е прв знак на успорување на постпандемискиот бум на американските патувања во Европа, кој беше поттикнат од силниот американски долар и економската стабилност во Северна Америка, пишува Reuters.
Претходна студија на истата комисија покажа дека Американците имаат помала намера да патуваат во Европа во 2026 година во споредба со 2025 година, тренд кој е поттикнат од влошување на економските услови и геополитичката нестабилност.
Доласците на кинески туристи во Европа се очекува да пораснат за 28 проценти во однос на 2025 година, а индиските за девет проценти, додека бројот на патници од Америка се предвидува да расте само за 4,2 проценти.
Според податоците на платформата за авио-интелигенција Cirium, резервациите од Европа кон САД помеѓу 7 октомври и крајот на јануари паднале за 14,2 проценти во однос на минатата година, додека резервациите од САД кон Европа се намалиле за 7,3 проценти.
И покрај намалениот интерес кај американските туристи, Европа и натаму бележи стабилен раст на патувања и потрошувачка, покажувајќи дека туристите се повеќе бараат висококвалитетни искуства кои го одржуваат европското туристичко пазар.
„Европа и натаму останува сигурна дестинација, добро позиционирана да одговори на променливата побарувачка за пофлексибилни патувања“, изјави Мигел Санз, претседател на Европската комисија за туризам.
