Сања Мусиќ Милановиќ гордо чекореше покрај својот сопруг Зоран Милановиќ на инаугурацијата за претседател на Хрватска.
Многумина ќе речат дека Сања Мусиќ Милановиќ со своите 56 години нема многу избор или ширина за модно експериментирање. Додека политичкиот свет е фокусиран на втората инаугурација на нејзиниот сопруг Зоран Милановиќ за претседател, првата дама на Хрватска сепак го привлече вниманието од оној дел на светот заинтересиран за модата. Облечена во струкиран фустан во петролеј боја, над кој носеше црна наметка со јака со пердуви, Сања Мусиќ Милановиќ нè потсети на златното време на Југославија и на деновите кога дамите се облекуваа, дамски.
Првата дама на Хрватска го поттикна гламурот од 80-тите со златен накит и брош, додека модерни елементи на овој изглед беа салонки со високи потпетици кои одлично се совпаѓаа со фустанот.
Хрватите со ентузијазам го коментираа стилот на нивната прва дама, велејќи: “Таа е облечена толку убаво… Фустанот, чевлите, наметката, сè… Пристојно, дамски и елегантно. Прекрасно и едноставно!”;
„Јас не сум моден дизајнер, но можам да видам дека првата дама би сакала да биде како Карла Бруни, но во однос на стилот успева само да се доближи до Џеки Кенеди. Всушност, ниту една од нив немаше среќа со своите сопрузи. И кога го отворив викито, видов дека Сања физички најмногу личи на „кралицата“ што изгуби од Саркози.
„Таа секогаш изгледа пристојно, за разлика од, на пример, Колинда, но не можам а да не почувствувам дека секогаш кога ќе ја видам се сеќавам како ни кажа да го исечеме „црниот“ леб на потенки парчиња. Таквите говори ве обележува засекогаш.
