Одгледувањето растенија во вода е едноставен, забавен и многу практичен начин да внесете зеленило во домот – особено ако немате многу време за одржување класични саксии со земја.
Избор на растенија
Изберете здрави видови што добро успеваат во вода. Најпогодни се потос, бамбус, филодендрон, бршлен. Овие растенија лесно пуштаат корен и брзо се приспособуваат.
Како да започнете?
Земете здраво парче растение од 15–20 cm. Исечете веднаш под јазолот (точката каде излегува лист). Ставете го во чист сад со вода така што корените или делот што ќе пушта корен ќе биде потопен, а листовите ќе останат над водата.
Може да користите украсни стаклени тегли, мали аквариуми или било какви проѕирни стаклени садови.
Вода
Користете нехлорирана вода на собна температура. Најдобро е да оставите вода од чешма да отстои преку ноќ. Менувајте ја водата најмалку еднаш неделно или барем на 10–15 дена за да спречите создавање алги и појава на комарци.
Светлина
Поставете го растението блиску до прозорец за да добива доволно светлина. Листовите никогаш не треба да бидат во вода – само коренот. Ова е клучно за здрав и стабилен раст.
Ѓубрење
Користете специјални хидропонски ѓубрива, кои се додаваат директно во водата за да се поттикне растот на корените и листовите.
Зошто овој метод е одличен?
Нуди минимално одржување, нема потреба од земја или пресадување, нема нечистотија, растенијата изгледаат декоративно во стаклени садови и лесно можете да ги пратите корените и растот
Овој едноставен начин на одгледување ви овозможува да уживате во свежо зеленило без многу труд и обврски.
