Градското собрание на Лос Анџелес беше евакуирано откако автомобил удри во скалите на зградата, соопштија официјални лица.
Возачот е приведен, а нема повредени, објави ABC News денес.
Полицијата одговори на повикот околу 16 часот по локално време.
Снимките од хеликоптер го покажуваат возачот како излегува од автомобилот со кренати раце, додека на прозорецот од возилото е прикажан картонски знак на кој пишува: „Ми треба твојата помош“ и алузија на американскиот претседател Доналд Трамп.
Градоначалничката Карен Бас изјави дека зградата е евакуирана „како мерка на претпазливост“ и потврди дека полицискиот тим за деактивирање бомби излегол на терен, но додаде дека ситуацијата е „безбедно решена“.
Околностите што доведоа до инцидентот засега се непознати.
