Актерката Ева Лонгорија ја изрази својата поддршка за Камала Харис, па дури и зборуваше на конвенцијата на демократите во Чикаго во август оваа година.
Актерката и продуцентка, родена во Тексас во семејство со мексикански корени, во големото интервју за магазинот Marie Claire откри зошто таа, нејзиниот сопруг од соништата и нивниот син Сантијаго поминуваат повеќе време во Мексико и Шпанија отколку во САД. Конкретно, вели таа, е згрозена од состојбата на работите во Калифорнија.
„Целиот мој возрасен живот го живеам овде“, изјави ѕвездата на популарните „Очајни домаќинки“.
„Но, дури и пред пандемијата, сè почна да се менува. Енергијата стана поинаква. А кога дојде Ковид, стана неподносливо. Без разлика дали тоа беше бездомништво или даноци… Не сакам да плукам по Калифорнија, но чувствувам дека ова поглавјето од мојот живот заврши“, искрено изјави таа.
Победата на Трамп на изборите е една од причините зошто Ева верува во исправноста на својата одлука.
„Не е шокантно што победи. Шокантно е што осуден криминалец кој исфрла толку многу омраза може да ја води земјата. Ако ги исполни своите предизборни ветувања, тоа ќе биде страшно место“, рече Ева.
Таа откри дека и по неговата победа во 2016 година била многу депресивна.
„Се прашував дали мојот глас значи нешто, дали можам да влијаам на нешто. Бев потресена до срж, доведувајќи го во прашање сè што верувам длабоко во себе”, додаде таа.
Лонгорија во разговорот признала дека е свесна дека е привилегирана бидејќи има можност да си замине.
„Можам да избегам, да живеам на друго место. Повеќето Американци немаат толку среќа. Ќе мора да живеат во таа дистописка земја. Се чувствувам вознемирено и тажно поради нив“, рече Лонгорија.
