Програмите ќе им овозможат на учесниците да се запознаат со најновите технологии, да развијат претприемачки вештини и да ги унапредат своите кариери преку иновативни искуства во Европа.
Европската Унија ги поканува универзитетите, образовните и истражувачките институции, како и компаниите и давателите на обуки, да аплицираат за организирање на двонеделни Летни школи за магистерски студенти и млади професионалци низ цела Европа.
Рокот за поднесување на апликации е 19 јануари 2026 година до 17:00 часот по бриселско време.
Целта на програмата е да им обезбеди на учесниците длабоко разбирање на најновите технологии, да развијат претприемачки вештини и да го поддржат развојот на кариерата и иновативното размислување.
Секое училиште треба да биде дизајнирано за најмалку 50 учесници и да се спроведува на лесно достапна европска локација што може да привлече разновидни групи студенти и млади професионалци.
Квалитетните апликации треба да бидат во согласност со :
-Стратешката агенда за иновации на ЕУ,ж
– да одговараат на една од петте стратешки фокусни области,
-да покажат претприемачки пристап,
-да понудат висококвалитетно и влијателно образовно искуство
Летните школи за 2026 година претставуваат единствена можност за обликување на иднината на дигиталниот талент во Европа и обука на млади луѓе за работа во динамична, технолошки напредна и конкурентна средина.
Повеќе информации и детали за апликацијата можете да најдете на официјалниот портал за фондови на ЕУ: Летни школи 2026
