Орбиталната мрежа „Ирис2“ од 290 сателити ќе обезбеди енкриптирана врска за клучните услуги на членките на ЕУ, како и развивање на нови комерцијални услуги.
„Ова е значаен чекор кон европскиот суверенитет и безбедно поврзување“, посочуваат од Европската комисија.
Технолошкиот напредок придонесе за тоа дека перформансите на идната мрежа на сателити ќе бидат еквивалентни на илјадници сателити во „мега-соѕвездија“, како што е „Starlink“.
„Во сè покомплексниот геополитички свет, обезбедувањето отпорна, сигурна и брза комуникација е од суштинско значење“, рече Јозеф Ашбахер, директор на Европската вселенска агенција, додавајќи дека овој проект ќе придонесе за конкурентност и ќе создаде нови работни места.
Проектот е трета голема вселенска иницијатива на ЕУ, по системот за навигација Галилео и набљудувачката мрежа Коперникус.
