Etihad Airways објави дека ќе воспостави ограничен број комерцијални летови од Абу Даби до 25 клучни дестинации. На овие летови ќе бидат префрлени патници со претходно резервирани билети, а достапна е и можност за купување билети преку официјалниот веб-сајт на авиокомпанијата, пренесе државната новинска агенција на Обединетите Арапски Емирати (UAE).
Патниците не треба да се упатуваат кон аеродромот доколку не добиле потврда од авиокомпанијата или немаат резервиран билет за некој од новите летови.
Одлуката за воведување ограничен број летови е донесена во координација со надлежните органи, по детална безбедносна проценка. Etihad ќе овозможи поаѓање само доколку се исполнети сите безбедносни критериуми.
Летовите од Абу Даби ќе се реализираат од 6 до 19 март до следните градови: Ахмедабад, Бангкок, Бенгалор, Каиро, Коломбо, Делхи, Франкфурт, Ханој, Хајдерабад, Џеда, Куала Лумпур, Лондон, Мадрид, Малме, Милано, Москва, Мумбаи, Њујорк, Париз, Пукет, Ријад, Рим, Сеул, Торонто и Цирих.
Сите останати редовни комерцијални летови до и од Абу Даби остануваат суспендирани, се наведува во соопштението на авиокомпанијата.
