Вулканот Килауеа на Хаваи еруптираше на Бадник со фонтани од лава што достигнаа висина до 427 метри. Шестчасовната ерупција на Големиот Остров се случи во кратерот Халемаумау, а беше снимена од камерите на Геолошкиот завод на САД (USGS), пишува USA TODAY .
Сè започнало вечерта на 23 декември и заврши веднаш по 2 часот наутро по локално време на Бадник, 24 декември. Според USGS, камерите првпат ја снимиле активноста кратко по 2:30 часот наутро. Огнените сцени на лава што еруптира од северните и јужните отвори на кратерот беа емитувани во живо на веб-камери.
Килауеа, кој се наоѓа во Националниот парк Хавајски вулкани, е меѓу најактивните вулкани во светот. Оваа последна ерупција беше 39-та регистрирана оваа година. Претходната епизода, 38-ма, се случи претходно овој месец и траеше речиси 12 часа. Научниците проценуваат дека вулканот се формирал пред околу 280.000 години и се издигнал над нивото на морето пред речиси 100.000 години.
