Министерството за правда на Соединетите Американски Држави објави досега необјавени документи од досиејата на осудениот сексуален престапник Џефри Епстин, во кои се наоѓаат интервјуа и белешки на Федералното истражно биро (ФБИ).
Според извештајот на NBC, документите содржат интервјуа со жена од Јужна Каролина која изнела обвиненија против Епстин, но и против американскиот претседател Доналд Трамп.
Жената во интервјуата дадени во 2019 година тврди дека Епстин сексуално ја нападнал, додека за Трамп навела дека наводно ја нападнал во 1980-тите години, кога имала меѓу 13 и 15 години.
Во документите исто така се наведува дека Епстин наводно ја уценувал нејзината мајка и дека таа со години добивала закани за кои верувала дека доаѓаат од него.
Објавените материјали вклучуваат белешки и разговори што ги воделе агенти на ФБИ за време на истрагата поврзана со случајот на Епстин.
