Според Mirror.uk, повеќе од 60 отсто од луѓето немаат намера да го проверуваат својот слух, и покрај фактот што тој е еден од водечките фактори на деменција.
Една неодамнешна студија во водечкото медицинско списание „Лансет“ тврди дека справувањето со губење на слухот може да го намали ризикот од деменција. Истражување на 3.000 возрасни покажало дека 55 покажале барем еден знак на губење на слухот.
Една четвртина од испитаниците се мачат јасно да го слушнат говорот во бучно опкружување, а 18 отсто често бараат од луѓето да го повторат тоа што го кажале, 17 отсто од испитаниците тврдат дека ушите постојано им ѕвонат. Дури 13 отсто од испитаниците изјавиле дека секогаш имаат вклучен преводи кога гледаат телевизија. И покрај ова, 61 отсто од анкетираните немаат намера да го проверат слухот во следната година.
„Деменцијата е здравствената состојба за која многумина од нас се најмногу загрижени како што старееме, но свесноста за промените во животниот стил што научниците ги идентификуваа како најважни за намалување на ризикот – спречување и управување со губење на слухот – сè уште е неверојатно ниска“, вели докторотка Хилари Џонс.
Таа наведува дека благото губење на слухот го удвојува ризикот од деменција, а тешкото губење на слухот го зголемува ризикот до пет пати. Ако не можете да ги слушате луѓето преку бучава во позадина или да ви ѕвони во ушите, ова се вообичаени знаци на губење на слухот поврзано со возраста, кое може да започне уште во триесеттите.
„Треба да направиме повеќе за да ја подигнеме свеста за здравјето на слухот и неговата поврзаност со нашето пошироко физичко и ментално здравје од 30 години до средна возраст и за тоа веќе не се зборува доволно“, посочи таа.
Извор: Нова
