Во актерската екипа на претставата се вклучени Борис Крстев, Илин Јовановски, Јована Миладинова, Васил Зафирчев, Јордан Витанов, Бранко Михајлоски, Кире Ацевски, Никола Петковиќ, Сандра Танчева, Марија Баркова, Леонида Гулевска, Бобан Алексоски и Тодор Стојковски. Сценографијата е дело на Андриј Жолдак и Даниел Жолдак, додека за костимите се погрижија Симон Мачабели и Раде Василев.
Ова е третата соработка на украинскиот режисер Андриј Жолдак со македонски актери, по неговите претходни проекти „Електра“ и „Соларис“ во Македонскиот Народен Театар. Претставата „Едвард Втори“ премиерно беше изведена на „Охридско лето“ на 6-ти август 2023, а потоа и на сцените во Велес, Пловдив и Битола, каде беше отворен фестивалот „Битола Шекспир“ на 28-ми јуни оваа година.
МЕСС е најстариот театарски фестивал во Југоисточна Европа, основан во 1960 година, и познат по иновативниот пристап и поддршката на смели уметнички проекти. На овој фестивал со децении учествувале врвни режисери како Питер Брук, Роберт Вилсон, Еуџенио Барба, Франк Касторф и други.
