Истражувачите од Универзитетот Монаш во Австралија следеле над 8.700 возрасни лица на возраст од 70 години или постари. Според резултатите објавени во списанието Nutrients, луѓето кои пријавиле дека консумираат помеѓу едно и шест јајца неделно покажале 15 отсто помал ризик од смрт од која било причина во споредба со оние кои јаделе јајца двапати месечно или помалку. Кај нив, исто така, се утврдило дека постои 29 отсто помал ризик од смрт поврзана со кардиоваскуларни болести.
„Нашите резултати сугерираат дека јадењето до шест јајца неделно може да го намали ризикот од смрт од сите причини и болести поврзани со кардиоваскуларни болести (КВБ) кај постарите“, вели Холи Вајлд, предавач по епидемиологија и превентивна медицина на Универзитетот Монаш.
„Овие наоди може да бидат корисни во развојот на упатства за исхрана засновани на докази за постарите возрасни лица“, додава таа.
Јајцата се извор на протеини и есенцијални хранливи материи, како што се витамините Б, фолна киселина, незаситени масни киселини, витамини растворливи во масти (Е, Д, А и К), холин и бројни минерали.
Конзумирањето јајца долго време се сметаше дека е штетно за луѓето со висок холестерол, состојба која може да доведе до блокирање на крвните садови со што луѓето имаат поголема веројатност да имаат проблеми со срцето или мозочен удар. Затоа, тимот спроведе понатамошно истражување на луѓе со клинички дијагностициран висок холестерол, наречен дислипидемија.
„Најдовме 27 отсто помал ризик од смрт поврзана со кардиоваскуларни болести за учесниците со дислипидемија кои консумирале јајца во текот на неделата, во споредба со нивните колеги кои консумирале јајца ретко или никогаш, што сугерира дека во оваа група на студија, присуството на дислипидемија не влијае на ризикот поврзан со јадењето на јајца“, рече Вајлд.
„Нашите резултати сугерираат дека јадењето до шест јајца неделно може да го намали ризикот од смрт од сите причини и болести поврзани со кардиоваскуларниот систем кај постарите лица. Овие наоди може да бидат корисни во развојот на упатства за исхрана базирани на докази за постарите лица“, додаде таа.
Европските упатства варираат од земја до земја, но прегледот на Американското здружение за срце објавено во 2020 година заклучи дека здравите поединци можат безбедно да јадат седум јајца неделно.
