Без разлика дали ги јадеме свежи, ги користиме за смути или ги додаваме во десерти, бананите можат да му обезбедат на организмот бројни здравствени придобивки.
Природните шеќери што ги содржи бананата (фруктоза и глукоза) брзо се разградуваат и му обезбедуваат на телото енергија потребна за физичка активност.
Бананите се и богат извор на калиум, минерал кој е од витално значење за контракцијата на мускулите и правилното функционирање на нервниот систем. Калиумот и магнезиумот исто така имаат важна улога во кардиоваскуларниот систем и можат да придонесат за подобро расположение.
Помагаат во создавање електролити
Бананите се природен извор на калиум и магнезиум – есенцијални минерали што создаваат електролити во организмот. Електролитите помагаат водата и енергијата да се насочат кон мускулите, наместо кон крвотокот, што им овозможува на мускулите побрзо да се опорават по физичка активност. Затоа, бананата често се препорачува како оброк по тренинг.
Извор на важни минерали
Една помала банана може да обезбеди значителна количина минерали потребни за организмот. Слични или поголеми количини на овие минерали може да се најдат и во други намирници како компир, сладок компир, спанаќ и леќа.
Влијание врз варењето
Незрелите, зелени банани можат да ја забават дигестијата кај луѓе со чувствителен дигестивен систем, бидејќи содржат пектински влакна и отпорен скроб кои се варат побавно. Затоа се препорачува да се консумираат со доволно течности. Од друга страна, овие влакна можат да помогнат кај луѓе кои имаат проблем со запек.
Помагаат во регулирање на крвниот притисок
Минералите во бананите помагаат да се балансира нивото на натриум во телото, што директно влијае врз крвниот притисок. Поради тоа, нивната редовна консумација може позитивно да влијае врз кардиоваскуларното здравје.
Држат ситост подолго време
Бананите, особено зелените, содржат два вида влакна – пектин и отпорен скроб. Просечна банана содржи околу три грама влакна, кои ја забавуваат дигестијата и помагаат подолго да се чувствувате сити.
Помагаат против лошо расположение
Бананите содржат триптофан – аминокиселина која организмот ја претвора во серотонин, хормон што го подобрува расположението и создава чувство на благосостојба. Ова овошје е и добар извор на витамин Б, кој е неопходен за создавање серотонин во мозокот.
Дополнително, бананите содржат магнезиум, чиј недостаток често се поврзува со депресија, анксиозност и раздразливост.
